Gareth Bale fluturoi në Londër për bisedime me agjentin e tij, pasi ka për qëllim të largohet në merkaton e janarit. – bëhet e ditur nga “Marca”.
Sipas këtyre pretendimeve, Bale i ka bërë të ditur agjentit të tij, Jonathan Barnett, për t’i gjetur një klub të ri sapo merkato e transferimeve të hapet.
Pas një fillim sezoni mjaft të mirë të Bale, ai përsëri nuk dëshirohet nga Zidane, dhe kjo u pa qartë në mos grumbullimin e tij ndaj Club Brugge.
Ai gjithashtu mungoi në ndeshjet ndaj Mallorca, Galatasaray, dhe pritet të mos luajë kundër Leganes, ditën e nesërme.
Raportimet shtojnë se skuadra kineze, Shanghai Shenhua, është në bisedime me Barnett, ndërsa te Reali janë të gatshëm ta lënë të lirë anësorin Uellsian, duke mos përfituar asnjë shumë nga kartoni i tij.
