Pas barazimit zhgënjyes të Juventusit me Leccen në fundjavë, trajneri Mauricio Sarri, shpjegoi pse Cristiano Ronaldo nuk udhëtoi me skuadrën.
Shumë besuan se ishte mungesa e Cristiano Ronaldos, arsyeja kryesore e ngecjes së Juventusit, por Sarri këmbënguli që pushimi që i dha Ronaldos, ishte gjëja e duhur për tu bërë.
“Ronaldo ishte i lodhur si fizikisht, ashtu dhe nga ana mentale, kështu që angazhimi i tij në lojë do të ishte i kotë.” – tha ai për “Sport24”
“Kur një lojtar shpreh lodhjen e tij, gjëja e drejtë është ta lësh atë pushim”
“Edhe pa të ne krijuam 10 raste për gol, por nuk ishim në gjendje t’i finalizonim ato. E lejuam veten të gjendeshim në atë situatë”.
Por gjithsesi, për “Zonjën e Vjetër”, ky barazim nuk i kushtoi vendin e parë në renditje, pasi edhe Interi barazoi në ndeshjen e saj kundër Parmës.
