Lewis Hamilton, fitoi çmimin e madh të Meksikës pas një fundi gare emocionuese. Ai kaloi vijën para Sebastian Vettel dhe shokut të skuadrës Valtteri Bottas.
Charles Leclerc përfundoi garën në vendin e katërt, i ndjekur nga Perez në të pestin dhe Verstappen në të gjashtin.
Por pavarësisht këtij suksesi, Hamilton nuk arriti të sigurojë titullin e 6-të kampion, pasi i nevojitej një diferencë prej 14 pikësh ndaj shokut të skuadrës, Bottas.
Pas garës, kjo ishte deklarata e Hamilton: “Ishte një rezultat i pabesueshëm. Erdhëm këtu në disavantazh dhe ishte një garë e vështirë për ne , por ia dolëm.”
Ndërkohë javën e ardhshme do të zhvillohet çmimi i madh i Austin në SHBA, ku Hamilton i nevojitet vetëm 4 pikë për tu shpallur kampion për herë të gjashtë.
