Robert Lewandowski u bë lojtari i parë i Bundesligës, që shënon në nëntë ndeshjet e para të kampionatit, pas fitores së Bajernit të Munihut 2-1 ndaj Union Berlin.
Sulmuesi polak, shënoi në minutën e 53 të pjesës së dytë duke dyfishuar rezultatin.
Rekordin e mëparshëm e mbante Pierre-Emerick Aubameyang, i cili në sezonin 2015-2016, shënoi në tetë ndeshjet e para.
Në total, 31 vjeçari ka shënuar 19 gola në 14 ndeshje këtë sezon , ndeshja e fundit kur ai nuk ka shënuar ka qenë në humbjen 2-0 me Borussia Dortmund, në Super Kupën e Gjermanisë më 3 gusht.
Ndërkohë me këtë fitore, Bayern merr kreun e tabelës me 18 pikë të grumbulluara, e ndjekur nga Freiburg dhe Borussia Dortmund, respektivisht me 17 dhe 16 pikë.
