Interi humbi një mundësi të mirë për të rimarrë kreun në kampionatin italian, pasi nuk shkoi më shumë se një barazim 2-2 ndaj Parmës në “San Siro”, por më shumë sesa rezultati, trajneri Antonio Conte ka një tjetër shqetësim.
Duke folur pas ndeshjes, në një intevistë për “Sky Sport”, ai deklaroi:
“Nuk mund t’i kritikoj djemtë shumë, pasi është ndeshja e tretë që kemi luajtur në 6 ditë dhe praktikisht po përdorim të njëjtën skuadër për shkak të disa dëmtimeve. Nga kjo pikëpamje nuk jam aspak i qetë.”
Stefan de Vrij, për shembull, pati një problem në kofshën e brendshme, ndërsa Asamoah një dëmtim në gju. Kështu bëhet e vështirë të dalësh në fushë çdo tre ditë, më një skuadër të reduktuar.”
Në fund Conte diskutoi nëse skuadra e tij, do të ndërhyjë në merkaton e janarit apo jo.
“Sigurisht duhet të përpiqesh të nxjerrësh më të mirën nga të gjitha situatat dhe ne po përpiqemi. Është e pashmangshme që ne po bëjmë bast edhe për lojtarët e rinj si Bastoni ose Esposito, të cilët luajtën vitin e kaluar dhe nuk luanin me Primavera.”
“Të gjithë duhet të rriten, përndryshe rrezikojmë t’i djegim ata. Ne duhet të jemi të durueshëm, por përsëris: Unë jam pak i shqetësuar sepse unë jam gjithmonë duke luajtur të njëjtin ekip, me një rrezik të lartë lëndimi.”
“Është e drejtë të bëjmë vlerësime të kujdesshme dhe të kuptojmë se ku mund të përmirësohemi. Seria A dhe Champions League janë dy gara shumë rraskapitëse, por Interi është një ekip i rëndësishëm dhe nuk të lejohet vetëm pjesëmarrja.”
