Reperi më i njohur i 2 dekadave të fundit, Eminem, frymëzues i miliona adoleshentëve në të gjithë botën është marrë në pyetje nga agjentët e Shërbimit Sekret Amerikan, për shkak të vargjeve në këngën e tij “Framed”, ku përmendej vajza e presidentit Donald Trump, Ivanka.
“Si dreqin Ivanka Trump ndodhet në bagazhin e makinës sime? Bjonde e vogël budallaqe, të hodha në pellg.”-janë disa nga vargjet e këngës së Eminem.
Mediat ndërkombëtare shkruajnë se agjentët e shërbimeve secrete intervistuan Eminem në vitin 2018, por më tej, nuk u mor më asnjë masë. Për 2 ditë, agjentët analizuan vargjet bashkë me reperin në shtëpinë e tij, dhe më pas çështja u mbyll.
Shërbimi Sekret e karakterizoi Eminem si “shfaqje të sjelljes së papërshtatshme” dhe vuri në dukje se ai, përmes repit, “kërcënoi Ivanken”.
