Partia Demokratike e quan të papranueshëm gjestin që ambasadori i OSBE në Tiranë, Berndt Borchard, iu bëri disa ditë më parë protestuesve të Astirit, ku iu nxorri gishtin e mesit në shenjë revolte.
Kjo provohet më së miri në këtë video, ku kryedemokrati Lulzim Basha shihet teksa nuk i jep as dorën Borchardit. Pavarësisht se ambasadori shkoi bashkë me delegacionin dhe sekretarin e Përgjithshëm të misionit, Thomas Greminger në zyrën e Bashës, kryetari i PD vazhdon t’i mbajë qendrim Borchardit.
Mediat filmuan momentin kur delegacioni u përshëndet me Bashën në dalje të selisë blu, dhe kryetari i PD i takon të gjithë me radhë përveç Borchardit.
Fytyra e ambasadorit që i vete nga pas Bashës teksa pret që ky i fundit t’a takojë, është një episod më vete, por s’ka nevojë për shumë koment. Të ketë qenë e gjitha për sy të kamerave?! Mbetet për t’u parë në takimin e radhës…
