Një 34-vjeçar është vënë në pranga nga Policia e Korçës, pasi akuzohet si autor i vjedhjes së tre banesave.
Specialistët për Hetimin e Krimeve në Komisariatin e Policisë Korçë, bënë ndalimin e shtetasit: T.L, banues në Korçë.
Prokuroria pranë Gjykatës së Shkallës së Parë Korçë, me vendimin e datës 25.10.2019, ka urdhëruar ndalimin e këtij shtetasi për veprën penale “Vjedhja”, pasi dyshohet se është autor i vjedhjeve të tre banesave në lagjet nr.1, 4 dhe 12 të qytetit të Korçës, në të cilat janë vjedhur sende dhe orendi shtëpiake, njoftoi policia këtë të shtunë.
