Legjenda e Brazilit dhe Barcelonës, Rivaldo, ka bërë të ditur që Mbappe, duhet të largohet nga PSG, në mënyrë që të rivalizojë Messin apo Ronaldon si lojtari më i mirë në botë.
Pavarësisht që Mbappe u bë lojtari më i ri që shënon 15 gola ne “Champions League”, Rivaldo tha për “Betfair”:
“Me gjithë respektin për PSG, unë besoj që ai duhet të largohet për një klub të madh Spanjoll ose Anglez në të ardhmen, që të konfirmojë veten si trashëgimtari i denjë i Ronaldos dhe Messit.”
“Lojtarët me të mirë, duhet të luajnë në ligat më të mira”
Ndërsa duke folur për shanset e ish-ekipit të tij, Barcelonës, për të nënshkruar me Mbappe, ai thotë:
“Mendoj që do të ishte e vështirë për Barcelonën për të nënshkruar me të, pasi ai është shumë i shtrenjtë për shkak të moshës së tij të re dhe aftësive natyrale që e bëjnë atë, të jetë një nga perspektivat më të mëdha që ka parë bota e futbollit.”
“Nëse Barcelona kishte aq shumë probleme për të marrë Neymar, imagjinoni sa shumë do të kërkonte PSG për francezin.”
