Në klasen e matures ku një ditë më parë u helmuan 12 nxënës nuk është zhvilluar mësim këtë të premte. Inspektoriati Shtetëror Shëndetësor Dibër ka mbyllur derën e klasës, duke mos lejuar që në të të futen nxënësit.
Megjithatë, mësimi në klasat e tjera ka vijuar normalisht. Infermierja e Qendrës Shëndetësore në Shupenzë, Almira Xheleshi thotë se situata e një dite më parë ishte e rëndë pasi janë paraqitur me komplikacione një numër i madh maturantësh,
të cilët sipas gjendjes janë përcjellë në spitalin e Bulqizës dhe atë Rajonal të Peshkopisë.
Ndërkohë ende nuk ka një një deklaratë nga institucionet shtetërore se çfarë e shkaktoi këtë helmim masiv, ndërsa nuk ka të ndaluar as nga policia.
