Mbyllet në mënyrën më të keqe të mundshme aventura e Zlatan Ibrahimovic-it në SHBA.
Skuadra e tij Los Angeles Galaxy, humbi derbin ndaj Los Angeles FC, me rezultatin 5-3, duke u eliminuar nga faza e play-off në gjysmëfinalet e konferencës së Perëndimit.
Ndërsa goli i shënuar nga sulmuesi Suedez, pas një gafe të portierit kundërshtar, rezultoi të ishte i pavlerë.
Kjo humbje duket se e nervozoi jashtë mase Ibran, pasi bëri një gjest të shëmtuar duke prekur me dorë organet gjenitale, gjatë një konfrontimi në distancë me një tifoz.
Tanimë që sezoni për të përfundoi, ai ka akoma dhe 2 muaj kontratë me LA Galaxy, dhe sipas raportimeve ai nuk do të nënshkruajë kontratë të re.
Gjatë 2 sezoneve që qëndroi në MLS, ai zhvilloi 58 ndeshje, duke shënuar 53 gola por që gjithsesi pa asnjë trofe të fituar.
Ditët e fundit disa skuadra Italiane, si Bologna, Napoli e Interi, kanë shprehur interes për të.
