Gazetari Ilir Babaramo e ka cilësuar mesazhin e pak ditëve më parë nga SHBA si një sinjal për kryeministrin Edi Rama.
Në ‘Open’ në Top Channel, Babaramo shton se dy personat pranë qeverisë, Tom Doshi dhe Vangjush Dako të shpallur non-grata nga SHBA, nuk akuzohen për vjedhje tenderash, por për krim elektoral dhe si të tillë mesazhi i SHBA ishte një sinjal edhe për Edi Ramën.
“Tom Doshi nuk ka pasur ndonjë pushtet ekzekutiv, para ska firmosur tendera si zyrtar. Kurse Vangjush Dako ka qenë drejtues i Bashkisë së Durrësit. Buxheti i Bashkisë së Durrësit kap vlerën e 10 milion dollarëve në vit, buxhet modest sa 500 metra tek Astiri. Nuk janë vënë si të korruptuar që kanë firmosur tendera, por është sinjal i qartë që i jepet Ramës lidhur me vjedhje të zgjedhjeve.
Në një ndarje territori të PS, këta dy zotërinjtë kanë qenë dy më të rëndësishmit që kanë mbushur thesin e votave të PS.
Këta dhe disa të tjerë të shpërndarë në Dibër, Elbasan, Vlorë e kanë sjellë këtë qeveri dhe e mbajnë në pushtet. ata intimidojnë, që blejnë vota, personazhet e 339-ës.
Ata janë ndëshkuar për një gjë shumë më të madhe, jo për tendera, për krim elektoral. Këta kanë vjedhur për llogari të kësaj qeverie”, thotë gazetari.
