Ish-drejtuesi i policisë Dritan Zagani ka reaguar përmes rrjeteve sociale lidhur me dënimin e një drejtori të Rilindjes, Egon Velaj, i cili rreth 1 javë më parë u emërua si drejtor i burgut të Vlorës, ndërkohë që gjykohej për shpërdorim detyre, për kohën kur ishte drejtor i ALUIZNI-t.
Velaj u dënua me 6 muaj burg, që iu kthye në shërbim prove, ndërkohë që Zagani për të njëjtën vepër penale është dënuar me 4.6 vite burg dhe është shpallur në kërkim ndërkombëtar.
Pikërisht për këtë gjë ka reaguar edhe ish-komisari, i cili denoncoi i pari trafikun e drogës nga Habilajt.
Reagimi nga Dritan Zagani
Nje shembull krahasues per drejtesine e rilindur.
Sot po lexoj ne mediat elektronike qe nje ish drejtor i rilindur eshte denuar po sot nga drejtesia e rilindur , 6 muaj burg me kusht per shperdorim detyre.
Gjithashtu ky drejtori i rilindur dikur kur ishte polic eshte perjashtuar nga policia dhe akuzuar penalisht po per shperdorim detyre, pra ky i sotmi rast me perseritje per te njejten veper penale.
Dhe ne te dyja rastet sic e thote vete ligji ky ne shperdorimin e detyres ka sjelle deme te caktuara(konsiderueshme) shtetit dhe ligjit te se drejtes.
Dhe si per ironi te fatit ky karilindur perseri vazhdon te beje drejtorin e rilindur aty ku sipas ligjit duhej te ishte thjesht “banor” me te drejta te plota per vuajtjen e denimit.
Te gjitha keto sipas drejtesise se rilindur ne Vlore, pikerisht aty ku une kam apeluar nje vendim qe po ben nje vit e ca ne vend numero,te nje gjykatese te rilindur vetem 35 km me larg, pra ne Fier qe mua per shperdorim detyre me ka denuar 4.6 vite burg si dhe shpallur ne kerkim nderkombetare.
P.s.vlen te theksoj se nga shperdorimi im i detyres shteti ka “pesuar dem te madh” sepse jane arrestuar disa trafikante si dhe eshte sekuestruar sasi droge e konsiderueshme e llojeve Marihuane dhe kokaine.
Vendimi/ Drejtori i IEVP Vlorë i shpëton burgut, dënohet me shërbim prove
Emërohet në krye të burgut të Vlorës, prokuroria kërkoi dënimin me burg/ Emri
