Agron Tare është dorëhequr nga posti i drejtorit të Portit të Durrësit.
“ Sot mbaron misioni im si Drejtor i Përgjithshëm Ekzekutiv i Autoritetit Portual Durrës”, njofton Tare, ndërsa paralajmëron se do të vijojë rrugëtimin profesional.
Tare u emërua si drejtor i Portit të Durrësit më 23 janar 2019, ndërsa largohet nga kjo detyrë pas 9 muajsh.
“Që prej marrjes së detyrës si Drejtor i Përgjithshëm Ekzekutiv i Autoritetit Portual Durrës, kam shërbyer më devotshmëri dhe pasion për punën, gjë që e tregojnë rezultatet e deritanishme financiare të këtij institucioni.
Dorëhiqem për të vijuar rrugëtimin tim profesional dhe duke i uruar pasardhësit/es tim/e suksese!
Nuk mund të lë pa falenderuar ata që më besuan këtë pozicion të rëndësishëm, ekipin e APD-së, bashkëpunëtorë të mi, të afërt e të largët! Ciao a tutti, belli e brutti!”, shprehet Agron Tare.
Prej kohësh Porti i Durrësit ishte vendosur në vëmendjen e strukturave dhe agjensive ligjzbatuese, pas kapjes së sasive të mëdha të drogave të forta, që vinin me kontenierë frutash nga vendet e Amerikës Qendrore.
