“Nuk e shoh më parlamentin, ndjek vetëm portalet që nxjerrin mometet nga kuvendi. Është humbje kohe”. Kështu është shprehur Grida Duma e cila ka qënë e ftuar në emision “Aktualitet” në FaxNews.
E pyetur nga gazetari Bejdo Malo a është opozita e braktisur nga Ambasada Amerikane, ish-deputetja është përgjigjur absulutisht që jo.
“Jo absulutisht jo. Ndërkohë që ne digjnim mandatet, kishim detyrën ti tregonim atë ne po bënim. I detyrohemi ndërkombëtarëve, për ti treguar atë që po bëjmë. Unë shoh që ata kanë investuar për Reformën Zgjedhore. Në gradën e kriminalitet që është shoqëria shqiptare, opozita nuk e bën dot luftën pa ndërkombëtarët. Është e pamundur kjo gjë.”
E pyetur për negociatat dhe mendimin negativ të presidentit francez, është shprehur se Macron shpëtoi Shqipërinë.
“Macron e shpëtoi Shqipërinë. Nëse do i ndante vendet, rrugëtimi për Shqipërinë do të ishte edhe më i gjatë. Duke mos e ndarë nga Maqedonia e Veriut, pranoi që do të ti jepte një shans Shqiprisë. Nëse do i ndante do ishim në skenarin më të zi të mundshëm. Macron nuk hyrë në çështje të brendshme,” u shpreh Grida Duma në FaxNews.
