Kryeministri britanik, Boris Johnson theksoi se ishte i tmerruar nga vdekja e 39 personave të gjetur sot në një kamion që vinte nga Bullgaria në Grays, në lindje të Londrës.“Jam i tmerruar nga incidenti tragjik në Essex (…) Shpreh ngushëllimet e mia për ata që kanë humbur jetën dhe për të afërmit e tyre”, shtoi kryeministri britanik, Boris Johnson në një mesazh në Twitter.
Policia britanike njoftoi sot se shërbimet e urgjencës kishin gjetur dhe rikuperuar trupat e 39 personave nga një kontejner, që besohet të ketë mbërritur nga Bullgaria. Policia e Essexit tha se ka hetuar një raport për një kamion me njerëz brenda në parkun industrial ”Waterglade”, afër qytetit të Grays.
