Presidenti Turk, Recep Tayyip Erdogan, pritet të takohet sot me homologun e tij rus, Vladimir Putin, disa orë para se armëpushimi 5 ditor midis forcave Turke dhe Kurde të skadojë.
Biseda do të fokusohet në “normalizimin e situatës” në verilindjen e Sirisë, sipas Kremlinit zyrtar.
Që nga marrëveshja e arritur të enjten, nga ana e Turqisë, për të lejuar luftëtarët Kurd të tërhiqen nga zona e kufirit, situata ka qenë relativisht e qetë.
Ankaraja i konsideron njësinë mbrojtëse të popullit kurd “YPG”, si një grupim terrorist, i lidhur me separatistët kurd, brenda territorit të shtetit Turk.
