Ndonëse kanë kaluar disa ditë nga mohimi i BE-së që Shqipëria të jetë pjesë e Bashkimit Evropian, liderët politikë në vend përveç replikave në distancë të montuara dhe të publikuara ne rrjetet sociale, nuk kanë bërë asgjë më shumë. Nga njëra anë është kryeministri Edi Rama ai që nuk heq dorë nga bindja e tij se fajin për këtë e ka vetëm BE. Por kundërpërgjigjet e kreut të PD-së janë të menjëhershme.
Rama i referohet deklaratave të ndërkombëtarëve. Ndërkohë Lulzim Basha i përmend vendimin e Zaev dhe faktin se shumica e vendeve të BE-së i thanë jo Shqipërisë.
Rama
Jemi të zhgënjyer që Këshilli i Europës nuk njohu përpjekjet shumë të forta për reforma të secilit vend me anë të një vendimi për të hapur negociatat për anëtarësim në këtë kohë. Ne njohim faktin që Këshilli Europian nuk i tha “jo” Shqipërisë dhe as Maqedonisë së Veriut dhe as nuk përcaktoi kushte të reja për hapjen e negociatave për anëtarësim.
Basha
Shumica e vendeve ishin të një mendje se qeveria e Shqipërisë nuk e meritonte hapjen e negociatave. Për këtë u artikuluan disa kushte që në thelb tregojnë se qeveria ka bërë hapa pas nga viti në vit…….qeveria jonë është e refuzuar nga vendet evropiane.
