Të tjera detaje janë zbuluar nga grabitja e ndodhur mesditën e sotme në një filial poste në Fushë-Bulqizë.
Grabitja është kryer nga një person i armatosur dhe i maskuar, ndërsa shuma e grabitur është rreth 460 mijë lekë.
Dyshimet janë se paratë në filialin e postës kishin mbërritur nga Posta Qendrore, ndërsa autori ka qëlluar me armë në ajër duke krijuar panik përpara se të realizojë grabitjen.
“Rreth orës 12.10, policia e Bulqizës ka marrë njoftim se një person i maskuar, dyshohet që nën kërcënimin e armës ka vjedhur në zyrën e postës që shërben për shpërndarjen e pensioneve në njësinë administrative Fushë Bulqizë, një sasi lekësh”, raporton policia.
Policia ka nisur hetimet për ngjarjen.
