Kreu i PDK-së, Nard Ndoka, i ftuar në Report tv, ka komentuar situatën politike në vend.
Ai deklaroi se personalisht por dhe forca politike që ai drejton, kanë të njëjtin qëndrim me opozitën e bashkuar për të mos u futur në zgjedhje me Edi Ramën kryeministër.
‘Me Ramën në asnjë rast ne nuk mund të futemi në zgjedhje, pasi kryeministri është i përfshirë në krim zgjedhor. Edhe Bundestagu kërkon hetimin e krimit zgjedhor. Kryeministri ka dalë me prova konkrete dhe me fakte që flet me eksponentë që kanë lidhje me grupet kriminale. Zoti Rama është kupola e grupit të vjedhjes së votave’, u shpreh Ndoka.
I pyetur nëse ka frikë nga SPAK, Ndoka tha se nuk ka asnjë arsye pse të trembet, pasi ai është një politikan i pastër.
‘Unë personalisht nuk kam arsye që të kem frikë. Unë jam përpjekur gjithmonë që në raportin tim me fondet publike të jem në rregull me ligjin. Unë nuk jam akuzuar kurrë nga asnjë institucion apo nga opozita për korrupsion. Unë mendoj se në fund të fundit duhet vendosur një standard për politikën shqiptare, kur ka probleme me ligjin duhet të hapë krahun’, deklaroi Ndoka.
