Një ASTEROID i quajtur “potencialisht i rrezikshëm” dhe mjaft i madh për të shkaktuar një kataklizëm “global” u fotografua nga shkencëtarët, duke iu afruar Tokës.
Asteroidi, i quajtur Asteroid 1998 HL1, po i afrohet me shpejtësi pozicionit të Tokës. Astronomi Gianluca Masi, i cili mbulon Projektin e Teleskopit Virtual fotografoi asteroidin më shumë se pesë milion milje (8.2 milion km) nga planeti ynë.
Sidoqoftë, astronomi tha se asteroidi do të kalojë ngushtë me Tokën në vetëm katër ditë.
Dr Masi i tha “Express.co.uk”, se: “Mbrëmë mund ta identifikoja asteroidin potencialisht të rrezikshëm “1998 HL1″ që po ecën në rrugën e tij drejt takimit të sigurt të ngushtë me ne, më 25 tetor.”
Ai shtoi se, “ky shkëmb është mjaft i madh dhe do të jetë i dukshëm me teleskopë tipikë amatorë”.
Dr Masi fotografoi asteroidin të Shtunën, më 19 Tetor. Asteroidi duket aktualisht më shumë se një pikë e ndritshme, në qiellin me yje.
Edhe NASA dhe Agjencia Evropiane e Hapësirës (ESA) janë vazhdimisht vigjilentë ndaj asteroideve që i afrohen planetit tonë.
Asteroidi po ecën në hapësirë për rreth 25.076 km / orë (40.356 km / orë).
Fotografia e Dr. Masi nga shkëmbi hapësinor është një ekspozim i vetëm 300 sekondash i marrë nga një teleskop robotik.
Por a përbën asteroidi “potencialisht i rrezikshëm” ndonjë kërcënim për sigurinë e planetit?
NASA tha se “shansi i një individi për t’u vrarë nga një meteor është i vogël, por rreziku rritet nga madhësia e kometës ose asteroidit, madje ato kanë rrezik të shkaktojnë katastrofa globale nëse vijnë nga ndikimet e objekteve më të mëdha se një kilometër”.
“NASA nuk di asnjë asteroid apo kometë aktualisht në një kurs përplasjeje me Tokën, kështu që probabiliteti i një përplasjeje të madhe është mjaft i vogël”.
“Në fakt, aq më mirë, mund të themi, se asnjë objekt i madh nuk ka të ngjarë të godasë Tokën në disa qindra vitet e ardhshme.”
