Një tjetër ngjarje e rëndë ka ndodhur mbrëmjen e stome në rrugët e Shqipërisë, ku një tjetër person ka humbur jetën.
Pak minuta më parë u njoftua se një makinë përplasi për vdekje një 80-vjeçar, i cili ka tentuar të kalojë rrugën.
Ndërkohë për shkak të trafikut ambulanca ende nuk ka shkuar në vendngjarje, çka ka bërë që viktima të mbështillet me një batanije dhe të lihet në cep të rrugës, për tu hapur rrugën makinave.
Siç shihet edhe në foton e publikuar nga Boldnews.al, viktima është mbuluar me batanije dhe është lënë në cep të rrugës. Një pamje aspak normale, pasi kjo skenë e tmerrshme është parë nga qindra vetë që kanë qenë duke udhëtuar me automjetet e tyre në drejtim të Tiranës.
Foto:
Informacioni paraprak:
Më datë 20.09.2019, rreth orës 18:30, në autostraden Kavajë – Durrës, te Shkëmbi Kavajës, mjeti tip “Volkswagen” me drejtues shtetasin D. Gj., ka aksidentuar këmbesorin shtetasin R.D., rreth 80 vjeç, i cili ka ndërruar jetë.
Drejtuesi i mjetit është shoqëruar në ambientet e policisë për veprime të mëtejshme. Grupi hetimor po punon për sqarimin e rrethanave të ngjarjes.
