Gjermania ia ka dhënë sërish shpresë Shqipërisë dhe Maqedonisë së veruit për hapjen e negociatave, pas ‘Jo-së’ që mori dy ditë më parë në Bruksel.
Por për grupin gjerman të CDUCSU, Shqipëria duhet të përmbushë kushtet e vendosura nga Gjermania , për të shpresuar që raundin e ardhshme të marrë ‘OK’ nga të gjitha vendet anëtare të BE.
“Rruga për në BE mbetet e hapur për Shqipërinë dhe Maqedoninë veriore. Të dy vendet duhet të vazhdojnë përpjekjet e tyre për reforma”, kështu shprehet CDU / CSU pas vendimit të së premtes të BE për të mos i hapur negociata për Shqipërinë dhe Maqedoninë e Veriut.
“Unë u bëj thirrje të dy vendeve të marrin votën negative të Këshillit Evropian, si një nxitje për të vazhduar të gjitha përpjekjet e reformës. Nëse këto do të ndiqeshin, dyshuesit do të forcoheshin. Paris nuk do të jetë në gjendje të ndalojë negociatat e pranimit për herë të dytë. Bundestag është në ndjekje të axhendës së reformës për vendimin e saj. Gjermania qëndron për një perspektivë evropiane të Ballkanit Perëndimor”, ka deklaruar nënkryetarin e grupit Johann Wadephul
Ndërsa nga ana tjetër relatori përgjegjës Christian Schmidt ka bërë thirrje që vendimi të rishikohet menjëherë.
“Vendimi negativ i Këshillit Evropian duhet të rishikohet menjëherë. Lidhja e Maqedonisë së Veriutdhe Shqipërisë me Bashkimin Evropian nuk duhet të bllokohet. Ne ndajmë bindjen se për të gjitha vendet e Ballkanit Perëndimor, ka një vend në Bashkimin Evropian nëse ato i plotësojnë kriteret.
Kjo përfundimisht përfshin fillimin e procesit të negociatave. Vendimi i kushtëzuar i Bundestagut të Shtatorit, i cili përcakton kushte të qarta për hapjen e negociatave të pranimit, duhet të tregojë gjithashtu rrugën e miratimit për shqetësimet franceze, holandeze dhe daneze. Nëse BE nuk kujdeset për Ballkanin Perëndimor, fuqitë e tjera do ta bëjnë atë sferën e tyre të ndikimit. Askush nuk e dëshiron këtë”, ka deklaruar ai.
Kujtojmë që Gjermania vendosi 9 kushte për Shqipërinë, ku shumica lidhen me Reformën në Drejtësi dhe Reformën Zgjedhore.
