Sekreatari për Marrëdhëniet Ndërkombëtare në Partinë Demokratike, Arben Kashahu ka qenë i ftuar në studion e lajmeve të Fax News ku ka folur për ngjarjen më të komentuar ditët e fundit, vendimin e Bashkimit Europian për negociatat.
Kashahu tha se opozita priste një ‘jo’ për Shqipërinë ose një ‘po me kushte’ siç e kërkoi Bundestagu gjerman.
Ndërkohë për argumentin që dha presidenti i Francës Emmuel Macron lidhur me refuzimin e hapjes së negociatave për Shqipërinë, demokrati tha se qëndron, pasi sipas tij, një vend që prodhon azilkërkues, ka problem të brendshme, dhe shtoi që një vend me problem të brendshme nuk është gati për proceset integruese.
“Presidenti Macron e ilustroi reformatin e zgjerimit dhe të procedurës për anëtarësimet e reja. Fakti që Shqipëria ka prodhuar azilantë në Francë u formulua qartësisht se nuk mund t’i jepej Maqedonisë rekomandimi se mund të krijonte destabilitet në Shqipëri. Qeverisja e këtyre viteve ka prodhuar azilantë për Europën, krim për vendin. Azilkërkuesit shqiptar në raport me popullsinë janë të parët në botë. Është lehtësisht e kuptueshme nga BE se azilkërkim prodhohet në një vend ku nuk funkisonojnë institucionet ekonomike, sociale, politike. Është një sfidë se si do të zhvendoset rregulli ku një grup maskarenjsh drejtojnë Shqipërinë. Një vend me problem të tillë të brendshme nuk shikohet si i gatshëm nga BE për të nisur proceset që çojnë drejt anëtarësimit”.
Kashahu e ka konsideruar vendimin e vendeve të BE-së për të mos hapur negociatat si një problem për të cilin nuk kanë përgjegjësi shqiptarët, por një problem Iitheksuar sipas tij që ka shkaktuar qeverisja e Edi Ramës. Ai më tej theksoi se kushtet e Bundestagut nuk janë ndaj Shqipërisë por vetëm ndaj një personi, që është kryeministri i vendit.
“Prespektiva është aty, por edhe vullneti për të plotësuar kushtet e qeverisë duhet të jetë aty. PD dhe opozita janë përmendësit e parë të kushteve të Gjermanisë, kushte që i kemi përsëritur dhe bërë publike vazhdimisht që qeveria ti plotësojë”.
A e vështirëson bashkëpunimin me qeverinë për Reformën Zgjedhore mungesa e opozitës në Parlament?
Kashahu: Bashkëpunimi për Reformën Zgjedhore i opozitës ka qenë aty që në fillim të saj. Opozita nuk ka përgjegjësi për plotësimin e 8 kushteve të tjera, për zgjedhoren që na është kërkuar siç mund të bëjmë me të gjitha kushtet e tjera ku mund të kërkohet kontributi ynë, e kemi bërë.
Çfarë do t’ju ofrojë opozita shqiptarëve për t’i afruar me BE-në?
Kashahu: Opozita do ti udhëheqë shqiptarët drejt zgjedhjeve të ndershme dhe të lira dhe për ta çuar vendin drejt një standarti europian qeverisës. Shumë shpejt do të njiheni edhe me strategjinë e opozitës e cila do të prezantohet nga Basha. Kryeministri pati rastin perfekt që të jepte dorëheqjen, po një vendim ndryshe nga ky e ka theksuar që nuk ka ndërmend ta bëjë, ndryshe nga homologu i tij maqedonas. Rama është një kryeministër i papërgjegjshëm dhe këtë e mbron edhe një ministër i Jashtëm në detyrë.
Është e pakonceptueshme se si një kryeministër nuk dëgjon dhe vendos retorikë me BE-në. Mund ta bëjë në krye të Partisë Socialiste por jo në krye të qeverisë duke mbjellë antipati ndaj BE-së nga qytetarët shqiptar.
