Përballja midis Manchester United dhe Liverpool është një klasike e futbollit Anglez, e cila gjeneron interes dhe të ardhura të mëdha, pavarësisht situatës së vështirë në të cilën ndodhet United.
Man.Utd nuk do të kenë të disponueshëm për këtë sfidë, Paul Pogba dhe David De Gea.
De Gea pësoi një dëmtim muskular në impenjimin që pati me Spanjën në eliminatoret e Europianit, ndërsa Pogba vazhdon të mbartë dëmtimin që ka në shputën e këmbës, ku rikthimi i tij pritet në muajin nëntor.
Liverpool viziton “Old Trafford” si e pamposhtur në kampionatin Anglez, ku ka arritur të marrë maksimumin e pikëve në 8 javët e para, ndërsa United kërkon ti japë fund rekordit të rivalëve.
Liverpool kryeson tabelën e renditjes me 24 pikë, ndërsa United ndodhet në vendin e 12-të me 9-të pikë të grumbulluara, 5 pikë larg zonës “Champions”.
Ndeshja do të zhvillohet ditën e diel, ora 17:30.
