Lionel Messi ka zbuluar detaje intime të jetës familjare të tij, në një intervistë ekskluzive për “Marca”.
Ylli i Barcelonës foli rreth bashkëshortes së tij Antonela Roccuzzo, fëmijët e tij dhe jetës në shtëpinë e tij.
Këto janë disa nga pyetjet që iu bënë në këtë intervistë të rrallë të tij:
Çfarë admironi më së shumti rreth Antonelës?
“E vërteta është që admiroj gjithçka. Ajo ka shumë cilësi: personaliteti i saj, humori i saj i cili është gjithmonë pozitiv, mënyra se si e zhvillon ditën. Ajo është një person shumë inteligjent dhe është e zonja në të gjitha aspektet e jetës.”
Më thoni për djalin tuaj Thiago. Si është ai?
“Thiago, pavarësisht moshës së tij pasi tani mbush 7 vjeç, ai është shumë i pjekur dhe shumë inteligjent. Ai është si një zotëri i vogël.”
Keni ndonjë zakon të veçantë?
“Kam shumë. Përpara se të bie në gjumë, më pëlqen që ta lë tavolinën gati për në mëngjes. Dhe gjatë mëngjesit, të gjithë të jenë në vendin e tyre, në të njëjtin vend. Kam edhe të tjera por preferoj t’i mbaj për vete’’.(duke qeshur).
Cila është pjata juaj e preferuar?
“Gjithmonë ka qenë rosto milaneze apo makaronet. Ushqimi që pëlqej është gjithmonë diçka e thjeshtë.”
Si e pini çajin?
“E pëlqej të nxehtë dhe të hidhur. Më parë e pija të ëmbël, por u mësova pa sheqerin dhe tani është mirë.”
Ndonjë ëmbëlsirë?
“Pak çokolatë ose akullore. Më pëlqen çdo gjë që është e ëmbël. Por gjithsesi përpiqem mos të konsumoj shumë nga to, por i pëlqej shumë”.
