Këngëtarja me origjinë shqiptare Bebe Rexha është aktualisht në kohën më të mirë të karrierës së saj muzikore. Megjithatë për të arritur ku është sot Bebe ka treguar shpesh se jeta e saj nuk ka qenë aspak e thjeshtë.
Këtë herë përmes një postimi në Instagram ka treguar një episod të kohës kur ishte në shkollë, ku e përqeshnin dhe e tallnin. Një vajzë e klasës e quante këngëtaren’ e shëmtuar’ dhe askush nuk bënte asgjë për t’a mbrojtur, as mësuesit.
“Një ditë në shkollë, isha ulur në lokal së bashku me shoqet e mia të klasës. Një vajzë që më ngacmonte gjithmonë, filloi të vinte nëpër tavolina dhe t’i thoshte të gjithave se ishin të bukura, derisa erdhi tek unë dhe më ulëriti “E shëmtuar” në fytyrë, ndërsa të gjithë nisën të qeshin. Më tallnin çdo ditë dhe kthehesha në shtëpi duke qarë. Kisha frikë të shkoja në shkollë pasi askush nga mësuesit s’bënte asgjë kur i kërkoja ndihmë. Sot festojmë ditën e shpirtit. Unë besoj se s’ka rëndësi çfarë background-i keni, kë dashuroni apo ku besoni, të gjithë meritojmë të ndihemi të sigurt.”- ka shkruar Bebe në postim.
