Rritja ekonomike e Kinës, ra tre mujorin e fundit në nivelet më të ulëta në 3 dekadat e fundit, pasi ekonomia e dytë më e madhe e botës, vazhdon të ndjejë pasojat nga lufta tregtare me Shtetet e Bashkuara.
Ekonomia e Kinës, u rrit me 6% në tre mujorin që përfundoi më 30 shtator, 3 mujori më i dobët që nga viti 1992, dhe gjithashtu 0.2% më ulët në krahasim me tre mujorin paraardhës, atë të periudhës Prill-Qershor. – sipas statistikave të qeverisë Kineze të publikuara sot.
“Tensioni tregtar më SHBA-të është faktori kryesor, të cilat rëndojnë në aktivitetin e investimeve dhe zgjerimin e biznesit, megjithëse disa politika stimuluese të brendshme, janë duke e zbutur disi situatën,” tha Chaoping Zhu, strategu për tregun global për llogari të “Menaxhimit të Aseteve JP Morgan”.
Këto shifra më të këqija se priteshin, vijnë një javë pasi SHBA dhe Kina arritën një marrëveshje paraprake, për të shmangur dëmtimin e mëtejshëm të dy ekonomive më të mëdha, por që gjithsesi nga raportimet e mediave të huaja, duket se palët janë akoma larg të një marrëveshjeje gjithëpërfshirëse.
