Pasi Maqedonia nuk arriti të marrë datë për nisjen e bisedimeve me BE-në për integrim, gjërat në vend nuk janë njësoj më.
Kryeministri i Maqedonisë, Zoran Zaev më herët kishte thënë se do të shkatërrohet qeveria nëse nuk arrihet qëllimi me nisjen e rrugëtimit për integrim në BE. Ashtu ndodhi, Maqedonia nuk e nisi rrugëtimin dhe tani është Qeveria e Maqedonisë në rrezik.
Për këtë, nga Qeveria kanë thënë se janë duke u bërë konsultimet e nevojshme në disa nivele të pushtetit dhe do të merret një vendim, sa më shpejt të jetë e mundshme.
“Kryeministri është kthyer, dhe janë duke u bërë konsultimet e brendshme në disa nivele të Qeverisë”, thonë nga shërbimi për media pranë qeverisë
Pritet të shihet se si do të jetë lëvizja e qeverisë, por tanimë presidenti Stevo Pendarovski ka thirrur takim me faktorin politik në Maqedoni, raportojnë mediat maqedonase.
Ndërkohë, ANSA, agjencia e lajmeve italiane raportoi se Zaev e ka marrë tashmë vendimin për të dhënë dorëheqjen.
