Kreu i opozitës, Lulzim Basha i ka cilësuar qesharake deklarata e Ramës, se Shqipërisë nuk ju hapën negociatat për shkak të problemeve të brendshme brenda BE.
Në një takim me gazetarët Basha tha se çdo njeri e di se mos hapja e negociatave erdhi si rezultat i dështimeve të Rilindjes, pasi nuk arriti të plotësojë asnjë kusht të vendosur nga Bundestagu.
‘Shpreh keqardhjen tim e për mos hapjen e negociatave, por do të gënjenim nëse do të thoshim se nuk e prisnim këtë përgjigje. PD dhe unë personalisht kemi punuar fort për të bindur miqtë tanë në Bundestag që të transformonin ‘JO-në’ e tyre në një proces kushtëzimi për hapjen e negociatave. Dua të shpreh mirënjohjen për kancelaren Merkel të cilët siguruar një mazhorancë brenda grupit CDU-CSU që sëbashku me socialistët gjermanë të raportonin një dokument që është udhërrëfyesi për Shqipërinë për hapjen e negociatave. Ne shpresonim një rezultat ndryshe sot, por nuk prisnim më mirë se ajo që ve3ndosi Bundestagu. Shqipëria nuk mund të merrte një ‘Po’ të prerë siç mund ta merrte Maqedonia. Arsyet janë shumë të qarta, dhe unë ju ftoj ata që kanë harruar të lexojnë kushtet e Bundestagut, ishin 5 u bënë 70të e në fund 9-të, pra Shqipëria po ecën mbrapa. Një ndër kushtet e Bundestagut ishte arrestimi i përgjegjës së vjedhjes së votave, ishin kushte që tregojnë hapat mbrapa që ka bërë Shqipëria për shkak se Rama vutri intersin e tij para interesit të shqiptarëve. Megjithatë, ka një përpjekje për ta shitur të sotmen si një përplasje mes vendeve anëtare të BE-së, dhe jo si një çështje që ka të bëjë me Shqipërinë dhe keqqeverisjen, ku çdo qytetar i thjeshtë e di që ne nuk jemi gati sepse vendi nuk po qeveriset popr po sundohet shumë larg standardeve mnimale që sundohet në Europë, standardeve që ju përkasin të gjthëve dhe jo një grupi njerëzish, pra kjo është e vërteta. Një orë e gjysmë që sapo kaloi ishte harxhimi i kohës më i madh për secilin që e ndoqi’, deklaroi Basha.
