Policia e Shkodrës ka arrestuar dy persona G.N., 41 vjeç, banues në fshatin Boriç i Madh, Malësi e Madhe dhe V.Y., 53 vjeçe, banuese në Shkodër.
Këta shtetas u kapën në flagrancë, nga shërbimet e Policisë, duke transportuar me automjetin që drejtohej nga shtetasja V. Y., 4 shtetas me shtetësi dhe kombësi marokene, të cilët kishin destinacion Malin e Zi, e më pas vendet e BE-së (Italinë), njoftojnë blutë e Shkodrës.
Arrestimi në flagrancë i tyre është bërë në aksin rrugor Shkodër-Koplik, në fshatin Golem
Nga veprimet e para hetimore rezulton se këta shtetas, në bashkëpunim me njëri-tjetrin siguronin shtetas të vendeve të treta, i strehonin në banesa të ndryshme e më pas i transportonin për në Mal të Zi, kundrejt pagesës.
Materialet i kaluan Prokurorisë pranë Gjykatës së Shkallës së Parë Shkodër, për veprën penale ‘’Dhënie ndihme për kalim të paligjshëm të kufirit’’ në bashkëpunim.
