Mesfushori i Interit, Stefano Sensi do të jetë i gatshëm për Antonio Konten, për ndeshjen që do të zhvillohet mes Interit dhe Sassuolos në fushën e kësaj të fundit, e vlefshme për javën e 8-të, të Serisë A, – sipas një raportimi te gazetës torineze, “Tuttosport”.
Sensi pësoi një dëmtim gjatë ndeshjes së fundit të Interit, përpara ndërprerjes së kampionateve për t’iu lënë hapësirë ndeshjeve të skuadrave kombëtare.
Gjithsesi, ai pritet që ndeshjen e kampionatit, ta nisë nga stoli për tu përgatitur sa më mirë, për ndeshjen që Interi do të zhvillojë me Borussia Dortmund e vlefshme për “Champions League”, ndeshje e cila është shumë e rëndësishme për ecurinë e zikaltërve në këtë turne.
