Kryeministri i Holandës, Mark Rutte, i është bashkuar pozicionit të Presidentit francez, Emmanuel Macron, për të votuar kundër hapjes së negociatave me Shqipërinë.
Rutte shprehet se Shqipëria nuk ka plotësuar kushtet, ndërsa për Maqedoninë e Veriut, thotë se atje kanë ndodhur disa ndryshime.
“Ju e dini pozicionin tonë. Për Shqipërinë është një ‘JO’ e qartë.
Nëse shikon Shqipërinë nuk ka avancime ose ndryshime. Nëse shikon Maqedoninë e Veriut ato janë në një pozicion me të mirë se Shqipëria. Kanë ndodhur me shume gjera! Por dhe aty ka shume detyra për të bërë! Por gjykimi im është që për të dyja vendet do të këtë një ‘JO’.
Për Shqipërinë, Parlamenti im me ka dhënë një ‘JO’ për të votuar sonte më samit, me te cilën unë bie dakord! Për Maqedoninë e Veriut më pak eksplicide, por edhe ata kanë shumë për të bërë!”, u shpreh Rutte pak para takimit të kryetarëve të shteteve dhe qeverive të vendeve anëtare të BE-së.
