Një 23 vjeçare me origjinë shqiptare u arrestua nga policia italiane, me akuzën e shitjes së lëndëve narkotike.
Ajo akuzohet se kishte kthyer apartamentin ku qëndronte, një ndërtesë në Alba, në Cuneo, në pikë shitjeje të narkotikëve.
Policia nisi hetimet pas shqetësimeve se grupe të rinjsh vizitonin ndërtesën. Në vijim të hetimeve, policia survejoi zonën dhe ndaloi dy të rinj, që sapo dolën nga ndërtesa ku kishin blerë lëndën narkotike.
Policia ushtroi kontroll në apartamentin e 23 vjeçares, ku zbuloi 30 gram kokainë, peshore elektronike dhe materiale për paketimin e dozave. Në kushtet e flagrancës, policia arrestoi 23-vjeçaren dhe ka nisur një hetim të gjerë për zbulimin e rrjetit.
