Forca të shumta policie kanë rrethuar disa nga banesat që janë planifikuar të prishen nga Inspektoriati Kombëtar i Mbrojtjes së Territorit.
Situata vijon të jetë e tensionuar në zonën e Shkozës, prej dy ditësh, teksa pritet prishja e ndërtesave. Kjo pasi IKMT ka njoftuar për t’u shembur disa nga banesat në kuadër të projektit të “Unazës së Madhe ” të kryeqytetit. Të mërkurën u rrafshua vetëm njëra, ndërsa banorët janë të frikësuar për atë që do të ndodhë me shtëpitë e tyre.
Në mbështetje të banorëve, ashtu si një ditë më parë, ishte edhe deputeti Aldo Bumçi. Ai theksoi se këta banorë, edhe pse të palegalizuar, janë njohur nga shteti kaq vite përderisa kanë paguar taksa.
“Ky njeri jep 20 milionë euro për 1 km rrugë dhe nuk jep një 1 milion për shtëpitë që shemben,- tha ish-deputeti. – Vendimi i Gjykatës së Strasburgut nuk lidhet me shtëpitë e legalizuara, por me shtëpitë e palegalizuara që kanë mbi dhjetë vjet. Këto familje kanë 25 vjet këtu dhe shteti i ka njohur, kanë paguar taksa. Shtëpia nuk mund të shembet pa i kompensuar. Rama ka nxjerrë ligje që një banori që ka 500 metra në bregdet t’i merret toka për ‘investime strategjike”!!!! dhe t’i jepet dikujt tjetër! Pra, po ndodh kjo kafshëri në mes të Evropës. Tek Astiri po ashtu, tek Bulevardi i Ri i nxori me gaz….Është kafshëri që po ndodh. Te Astriti arritën të krijonin një frymë dhe ata qëndruan të gjithë bashkë, edhe pse atje ishin gjysma të legalizuar. Kurse këtu vijnë e prishin tre shtëpi. Po pse, a mund të vazhdojë projekti me tre shtëpi?! Do të shembin sërish. Unë mendoj se ekziston mundësia të mbrohen këta banorë, sepse ekziston vendimi i Gjykatës. Por, edhe t’i shkojmë Ramës para kryeministrisë e ta nxjerrim prej aty. Kur janë prishur shtëpitë këtu?! Ka pasur kryeministra më parë dhe nuk kanë vepruar kështu. Kafshëri! Si e lamë ne këtë njeri?! Pse erdhi kjo e keqe dhe po na detyron të largohemi nga ky vend më keq se sirianët!”,-tha Bumçi.
Do u shemben banesat, banorët e Shkozës në lot: Haram vota Ramës, do bëjmë vetëgjyqësi (VIDEO)
