Matteo Salvini ish-ministër i brendshëm i Italisë, dhe lider i Lega, është ndier keq teksa shkonte në Trieste për funeralin e Pierluigi Rotta e Matteo Demenego, dy policët e vrarë në kuesturë më 4 tetor.
Salvini, sipas asaj që raporton ANSA, pas uljes në aeroportin Ronchi – Trieste, u transportua menjëherë në spitalin San Polo në Monfalcone (Gorizia), ku iu nënshtrua analizave të rastit.
Nuk bëhet fjalë për asgjë të rëndë dhe ai doli nga spitali për të vazhduar drejt Trieste. ANSA citon mjekët që thonë se bëhet fjalë për dhimbje veshkash.
Salvini falënderoi mjekët e Monfalcones dhe shprehur keqardhjen që nuk mundi të ishte i pranishëm në lamtumirën e fundit të dy policëve të vrarë.
Ndërkohë në një postim në rrjet, Salvini shkruan “miq, doja të ju falënderoja shumë për të gjitha mesazhet që më dërguat dhe t’ju siguroja: këtë mëngjes pata pak dhimbje barku, asgjë serioze! Jam mirë dhe tashmë jam duke shkuar për në Umbria.
Sidoqoftë, kjo bezdi më pengoi të marr pjesë në Trieste në funeralin e Pierluigi dhe Matteo. Doja dhe më vjen shumë keq: mendimet dhe lutjet time janë për këta heronj, një përqafim për familjet e tyre, për Policinë e Shtetit dhe për të gjithë ata që mbajnë një uniformë, mbrojnë çdo ditë sigurinë e italianëve duke rrezikuar jetën e tyre”.
