Ditët e fundit në mediat sportive po qarkullojnë lajmi se kombëtarja e Turqisë do të dënohet me përjashtium nga kampionati europian 2020, për shkak të festimit të lojtarëve turk në nder të ushtarëve turq për bombardimet kundër kurdëve, në ndeshjet eleminatore përballë Shqipërisë dhe Francës.
Por, së fundmi me siguri UEFA do të japë një dënim të rëndë ndaj një tjetër kombëtareje. Bëhet fjalë përBullgarinë për rastin e fundit të racizmit ndaj lojtarëve të Anglisë. Dënimi minimal nis prej mbylljes së pjesshme të stadiumit dhe gjobave.
Në rast përsëritjeje të kësaj sjelljeje, siç është edhe rasti i Bullgarisë do të kemi një mbyllje totale të stadiumit dhe një gjobë prej 50 mijë eurosh. Në rast të përsëritjes së këtyre skenave, atëherë protokolli i UEFA-s përcakton mbylljen e stadiumit me më shumë se një ndeshje, duke sjellë edhe humbjen e ndeshjes në tavolinë, por edhe heqjen e pikëve dhe deri në skualifikim nga kompeticioni.
Historia ka treguar se masat ndëshkimore për çështjet e racizmit nuk kanë mbërritur kurrë deri në masat ekstreme. Spanjës iu vendos një gjobë prej 50 mijë eurosh pasi abuzoi lojtarët anglezë gjatë një miqësoreje në 2004-ën. Deri tani ndëshkimet kanë qenë në nivel gjobash dhe mbyllje stadiumi.
A do të kemi këtë herë një dënim ekzemplar të UEFA-s për ta bërë shembull që fenomene të tilla të reduktohen? Këtë do ta shohim në mbledhjen e ardhshme të Komisionit të Disiplinës kur të diskutohet kjo çështje.
