Në Janar të vitit 2017, kryetari i Bashkisë së Tiranës Erion Veliaj prezantoi një ‘shpikje të re’: Kryebashkiakun e natës. Veliaj prezantoi në këtë post Briken Fejzullain, për të cilin tha se do të ndjekë jetën kulturore të natës, duke promovuar aktiviteteve kulturore.
Megjithatë, e tyrja nuk ishte një ‘histori dashurie’. Briken Fejzullai rezultoi të mos ishte një person që i shkonte pas propagandës së Veliajt dhe qeverisë rilindase. Ai ka shprehur shpesh kritika ndaj qeverisë për çështje të ndryshme.
Kritikat nuk kanë munguar as për ato çështje për të cilat Bashkia e Tiranës e drejtuar nga Erion Veliaj ka kompetencë të drejtpërdrejtë.
Fejzullai, përmes postumeve të tij në Facebook, ka prekur problematikën e mungesës së ujit të pijshëm në kryeqytet. Një tjetër reagim kritik ka qenë ai për vendosjen e memorialit te zona e liqenit, në nder të ushtarëve turq të rënë në grushtin e shtetit në vitin 2016.
Kështu, Veliaj ka zgjedhur një kryebashkiak të dytë nate. Këtë të mërkurë, në një postim në Twitter, prezanton Rezi Cenajn si kryebashkiakun e ri të natës.
