Kreu i opozitës Lulzim Basha nëpërmjet një postimi në Facebook ka dhë disa detaje nga takimi zhvilluar ditën e djeshme në Tiranë me kryeministrin e Italisë, Giuseppe Conte.
Kryetari i PD e ka falenderuar atë për kontributin që Italia ka dhënë veçanërisht në luftën ndaj krimit dhe shprehet se nuk mund të lejojmë më që për shkak të një njeriu, të izolohet një vend i tërë.
Postimi i Bashës në Facebook:
“Gjatë takimit me Kryeministrin e Italisë, z. Giuseppe Conte, e falenderova për kontributin që vendi i tij ka dhënë veçanërisht në luftën ndaj krimit, lëndëve narkotike dhe sigurisë për vendin tonë. Nuk mund të lejojmë më që të na sundojë krimi dhe paligjshmëria. Nuk mund të lejojmë më që për shkak të një njeriu, të izolohet një vend i tërë! Koha për ndryshim!” ka nënvizuar në përfundim.
