Një aksident tragjik ka ndodhur në një park lojrash në Francë. Një grua ka humbur jetën dhe një tjetër është plagosur rëndë, pasi kanë rënë nga pajisjet ku kishin hipur.
Ato ishin duke u argëtuar në një pajisje gjigande rrotulluese, por një nga krahët e saj u shkëput, duke rënë nga 10 metër lartësi e duke lënë të vdekur nga përplasja një 25-vjeçare dhe ka mbetur e plagosur rëndë një 20-vjeçare.
Policia ka arrestuar menjëherë pronarët e këndit të lojërave.
Sipas dëshmitarëve, në momentin e shkëputjes së pjesës metalike, kishte pasur erëra të forta, ndërsa disa të tjerë thanë se ajo ishte përplasur me një tjetër pjesë metalike, të njërës nga lojërat në park.
