Sipas një publikimi të Këshillit të Bashkëpunimit Rajonal, vendet e Ballkanit Perëndimor humbasin miliarda euro si pasojë e punësimit informal. Ndërsa Shqipëria është ndër vendet që kanë përqindjen më të lartë të të punësuarve në të zezë në rajon.
Pavarësisht luftës së qeverisë ndaj informalitetin në çdo aspekt, e punës në të zezë në veçanti gjatë viteve të fundit, të dhënat në publikimin e Këshillit të Bashkëpunimit Rajonal tregojnë se 29.4% e të gjithë të punësuarve në Shqipëri punojnë në të zezë, çka do të thotë se punëdhënësi i tij nuk e deklaron si të punësuar e për rrjedhojë nuk i paguan as kontributet shoqërore apo ato shëndetësore.
Me këtë normë, Shqipëria renditet e treta me diferencë të ulët, pas Malit të Zi, me 33% dhe Bosnje Hercegovinës me 30%. Në Kosovë ndërkohë, norma e punësimit informal fiksohet në 23%, sipas Këshilli i Bashkëpunimit Rajonal./ Scan
