Sot, Policia e Korçës u alarmua kur mori një telefonatë se poshtë makinës së gjyqtarit Markelian Kuqo ishte vendosur lëndë plasëse, por që pas kontrollit policor, në mjetin e tij nuk u gjet asgjë e dyshimtë.
Ndërkohë para pak minutash blutë kanë identifikuar autorin e kësaj telefonate të rreme. Bëhet fjalë për 34-vjeçarin Neim Behari, i cili aktualisht vuan dënimin në burgun e Drenovës, për veprën penale “Vrasja”.
Njoftimi:
Identifikohet dhe procedohet, autori i telefonatës së rreme të kryer sot tek organet e rendit, sipas të cilës, në mjetin e një gjyqtari ishte vendosur lëndë plasëse.
Specialistët e Seksionit për Hetimin e Krimeve, në Komisariatin e Policisë Korçë, në vijim të punës për zbardhjen dhe dokumentimin e ngjarjes së ndodhur më datë 15.10.2019, referuan materialet shtesë pranë Prokurorisë të Rrethit Gjyqësor Korçë, në ngarkim të shtetasit:
N.B, 34 vjeç, banues në Lapardha, Berat (i cili aktualisht vuan dënimin në IEVP-Drenovë, për veprën penale “Vrasja”).
Gjatë kryerjes së veprimeve hetimore rezultoi se ky shtetas, kishte telefonuar Policinë nga ambjentet e IEVP-së, duke pretenduar se në mjetin e gjyqtarit M.K, ishte vendosur lendë e dyshuar plasëse, e cila nuk u konstatua gjatë kontrollit të ushtruar.
Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.