Pas paralajmërimeve nga Kryeministri Edi Rama dhe zyrtarë të tjerë të Rilindjes ndaj BE-së lidhur me vendimin për negociatat, që pritet të zyrtarizohet më 18 Tetor, është ministri në detyrë i Punëve të Jashtme dhe Europës, Gent Cakaj, i cili ka paralajmëruar Unionin.
Në një prononcim për Financial Times, Gent Cakaj është shprehur se bllokimi i negociatave do të sillte një ulje të rolit të BE-së në rajon.
Sipas tij, një ndërlikim i mëtejshëm i situatës do të sillte “ndarje” mes vendeve të cilat kundërshtojnë ndarjen e çështjeve të Shqipërisë dhe Maqedonisë së Veriut dhe të tjerë që mendojnë se Tirana duhet të paguajë çmimin për avancimin e rastit të Maqedonisë së Veriut– një këndvështrim që gjen mbështetjen edhe të diplomatëve, –, thuhet në artikull.
“Franca e cila ka qënë skeptike rreth zgjerimit të BE, thekson se procesi i anëtarësimit duhet të rishikohet para se të shqyrtohet pranimi i vendeve të tjera, pasiguri kjo që ministri Cakaj e quan “dileme false”.