Komisioni i Sigurisë është mbledhur ditën e sotme ndërkohë që gjatë fjalës së tij Drejtori i Përgjithshëm i Burgjeve ka dhënë edhe alarmin lidhur me sigurinë në këto institucione.
Ndër të tjera, Agim Ismaili tha se nga burgjet janë porositur vrasje dhe se do të raportohen të gjithë në Prokurori.
“Ne kemi si synim masën ndëshkuese për të burgosurit me rrezikshmëri të lartë. Nga burgu janë porositur edhe vrasje, të gjitha do raportohen në Prokurori. 32 persona të rrezikshëm, aktualisht janë ndëshkuar pasi kanë thyer rregullat e burgut,”– tha Ismaili.