Blutë e Korçës identifikuan ditën e sotme se autori i telefonatës që alarmoi Policinë ndodhej brneda në burg. Bëhej fjalë për 34-vjeçarin Neim Behari. Ai telefonoi policinë duke i thënë se poshtë makinës së gjyqtarit Markelian Kuqo ishte vendosur lëndë plasëse, nd por që pas kontrollit policor, në mjetin e tij nuk u gjet asgjë e dyshimtë.
Por kush është Neim Behari ?
Ai akuzohet për vrasjen makabre të një taksisti, në vitin 2005. Por, gjatë kohës që ndodhej në burg, 34-vjeçari ka dhënë edhe një tjetër alarm. Neim Behari ndodhej i dënuar në Burgun e Fushë-Krujës me 24 vite burg për vrasjen e taksistit, kur kërcënoi përmes një telefonate se do të kryente akte terroriste.
Ngjarja ka ndodhur me 20 mars te vitit 2005, në fshatin Marinëz të Fierit, ku u gjet i vdekur taksisti Themi Qose, banues në qytetin e Lushnjës. I ndjeri ishte pronar i mjetit tip “Benz” me targa LU5410B. I pandehuri Neim Behari kishte shkuar në qytetin e Lushnjës dhe pranë stacionit të trenit ka pajtuar si taksist Themi Qosen me qellim mbërritjen deri në fshatin Marinëz.
I pandehuri dhe viktima nuk kanë bërë pazar për shumën që duhej paguar për të shkuar atje. Pasi kanë dalë në rrugën dytësore, Behari i ka kërkuar taksistit 100 mijë lekë. Viktima s’ka pranuar duke kërkuar detyrimin për shërbimin prej 5 mijë lekësh. Në këtë moment i pandehuri ka ngritur zërin duke filluar debatin dhe makina ka ndaluar. Në debat e sipër 25-vjecari ka menduar vjedhjen e taksistit dhe gjatë rezistencës së Qoses ka nxjerrë thikën duke e qëlluar në fyt.
