Ish-ministri i Drejtësisë, Eduart Halimi, e ka cilësuar një verdikt drejtësie raportin përfundimtar të Komisionit të Venecias. Halimi thekson se pas këtij raporti, Presidenti rezulton se ka bërë zero shkelje të Kushtetutës.
“Nuk kam pasur kurrë dyshim se opinionet përfundimtare të forumit më profesional në Europë janë verdikte drejtësie.
Në të gjitha intervistat e javës së kaluar miqtë gazetarë me pyesnin: a do ndryshojë draft opinioni nga opinioni përfundimtar?
Përgjigjia ime bazohej në besimin e verdiktit përfundimtar, integritetin e Institucionit dhe bindjen se argumentet e plota të stafit të Presidentit, do të prodhonin një verdikt drejtësie.
Verdikti i sotëm i Venecias, është një verdikt drejtësie për Shqipërinë e sotme, të nesërme dhe gjithë vendeve anëtare të KiE.
#zeroshkelje #presidenti #kushtetuta”, shkruan Halimi në rrjet.
