Erisa Xhixho, nënkryetarja e LSI-së, ka reaguar në Facebook me anë të një postimi, ku vlerëson opinionin përfundimtar të Komisionit të Venecias, si dhe thekson se Presidenti i Republikës nuk ka shkelur asnjë nen të Kushtetutës.
Ajo ka renditur listën e raportit përfundimtar të Komisionit të Venecias, duke shtuar se Presidenti i ka qëndruar besnik betimit që ka bërë për respektimin e Kushtetutës dhe se nuk ka pasur “tejkalim të kompetencave”, referuar nenit 99 të Kushtetutës së Shqipërisë.
Qëllimi kryesor i gjithë kësaj farse antikushtetuese ishte uzurpimi i të vetmit institucion legjitim nga Edi Rama”, shkruan nënkryetarja e LSI-së
Postimi i plotë:
“Presidenti i Republikes nuk ka shkelur asnjë nen të Kushtetutës duke i qëndruar besnik betimit që ka bërë për respektimin e saj”
Raporti përfundimtar i Komisionit të Venecias konfirmojë se:
- Presidenti i Republikës nuk ka shkelur asnjë nen të kushtetutës dhe nuk mund të shkarkohet, si organi i vetëm legjitim në vend garant i Kushtetutës.
- I vetmi institucion që mund të shprehet për kushtetushmërinë e dekreteve të Presidentit është Gjykata Kushtetuese , e cila nuk është vënë në levizje as nga qeveria dhe as nga parlamenti për të atakuar dekretet.
- Dekretet e Presidentit janë në fuqi, duke vulosur paligjshmërinë e votimeve moniste të 30 Qershorit.
4.Presidenti i Republikës ka bërë thirrje për dialog dhe ka bërë të gjitha përpjekjet e tij që shtyrja e zgjedhjeve të çonte në një kompromis politik midis partive politike.
5.Është fshirë shprehja “tejkalim i kompetencave “ në nenin 99.
Prandaj nga sot Komisioni hetimor i Parlamentit monist duhet të pushojë së vepruari dhe t’i kërkojë ndjesë shqiptarëve që akuzojë politikisht Presidentin e Republikes që përfaqëson sipas Kushtetutës unitetin e popullit.
Qëllimi kryesor i gjithë kësaj farse antikushtetuese ishte uzurpimi i të vetmit institucion legjitim nga Edi Rama .
