Viti i ri akademik në Shkodër ka nisur jo me pak probleme. Në raundin e parë, në degën e fizikës ka pasur “zero” regjistrime, çka mund të çojë edhe në mbylljen e kësaj dege.
Në një deklaratë për mediet për këto çështje, rektori i Universitetit, Adem Bekteshi tha se edhe në degët e mësuesisë ka pasur shumë pak regjistrime, kjo për shkak të rritjes së mesatares dhe një politike të re nga qeveria për ata që priten të edukojnë brezin e ri. Ndërkohë, bëri të ditur se në nivelin Bachelor janë regjistruar për herë të parë 910 studentë.
“Sivjet kemi përmirësuar kushtet,studentet e ekonomikut nisin në kushte bashkëkohore qe ne i duam për secilin student”, është shprehur rektori.
