Një nga shqiptarët e dënuar për vrasjen e avokatit grek, Mihalis Zafeiropoulos ka pozuar nga shtrati i burgut duke pirë cigare dhe me celular në dorë, gjë e cila është e ndaluar për të burgosurit.
“Unë kam lindur vrasës dhe do të vdes një vrasës”, ka shkruar Ibrahim Brahimaj kohët e fundit në rrjetet sociale me një llogari të rremë, raportojnë mediat helene.
Javën e kaluar, Gjykata e Apelit në Athinë e dënoi me burgim të përjetshëm për vrasje dhe 11 vjet shtesë për dy grabitje me dhunë.
Po ashtu edhe dy bashkëpunëtorët e tij, Oldi Dulce dhe Klodian Lekocja, u dënuan me burg të përjetshëm për vrasjen e avokatit.
