Rudina Hajdari nuk do të jetë më kryetare e Grupit Parlamentaret të Demokratëve në Parlament.Në vend të saj është caktuar deputeti Korab Lita. Këtë vendim e kanë marrë sot 7 anëtarët e këtij grupi parlamentar.
Korab Lita e ka konfirmuar këtë vendim në një postim në Facebook. Ai thotë se ka ndodhur një organizim i brendshëm dhe se atij i është propozuar të jetë kreu i ri i Grupit të Demokratëve.
“Grupi Parlamentar Demokrat në mbledhjen e tij të fundit, në funksion të organizimit të brendshëm bëri ndryshim në drejtimin e grupit.
Personalisht, dua t’ju dërgoj një falënderim kolegëve të mi të Grupit Parlamentar për vlerësimin dhe besimin që më dhanë për të drejtuar Grupin Parlamentar Demokrat.
Detyra që më është besuar si Kryetar i Grupit Parlamentar Demokrat unë e shoh si një përgjegjësi e aspak privilegj sidomos në këtë situatë politikë e institucionale ku ndodhet vendi ynë.
Nëpërmjet jush dua të siguroj kolegët, dhe të gjithë qytetarët shqiptare, që të gjithë bashkë do jemi në lartësinë e duhur për të justifikuar besimin e dhënë”, thekson Korab Lita.
